شوربة المشروم

المقادير
بصلة مقطعة قطعا صغيرة
و 3 ملاعق دقيق
و 3 ملاعق زبدة
ربع كيلو مشروم
كوب كريمة
ملح وفلفل
و 5 أكواب شوربة فراخ
أوراق بقدونس للتزيين

الطريقة
أول حاجة يتم تقطيّع المشروم
نجيب إناء ونضع فيه شوية زبدة وأشوح فيها المشروم لمدة عشرة دقائق وطبعا هاضيف عليه الملح والفلفل
بعد كده هاخد حوالي كوب واحد من الشوربة وأحطها على المشروم وأخليه على النار لمدة عشرة دقائق علشان يستوي
وبعد كده هاطفي النار واسيب المشروم لغاية ما يبرد
وبعد ما يبرد هاضربه في الخلاط
هاحط شوية زبدة في طاسة وهاضيف ليها البصل واشوّح البصل على النار لمدة ربع ساعة
بعد كده هاضيف ليها الدقيق مع التقليب المستمر لغاية لون الدقيق يبقى ذهبي
وبعد كده هاحط كوب شوربة بالتدريج مع التقليب المستمر علشان الدقيق ما يكلكعش وبعد كده هاضيف ملح وفلفل
هاجيب المشروم اللي ضربته في الخلاط واحطه في حلة على النار
وهاضيف إليه كوب الكريمة واسيبهم يغلوا كلهم مع بعض
وبعد كده هاحط باقي الشوربة
هاجيب طبق الشوربة واحط فيه الشوربة
ده الشكل النهائي لطبق الشوربة
و ممكن إنك تزيني الطبق ببعض أوراق البقدونس

وبالهنا والشفا‬