وصفات - فى اول الصفحه

طريقه عمل كفته الارز فى المنزل



المقادير


كيلو لحم احمر مفروم

2 كوب ارز منقى ومطحون

نصف راس ثوم منزوع القشر

2 بصله منزوعه القشر ومقطعه

ملح

فلفل اسمر

5 حزمه بقدونس مغسول ومقطع

2 فص ثوم مقطع صغير

ملعقه زيت

زيت للتحمير


4 ملاعق صلصه

ده للى حابه بعد تحمير الكفته تسوى جزء منها بالصلصه


الطريقه


نضع البقدونس والبصل والثوم فى الكبه او المفرمه

اول ما تنعم نضعها على اللحم المفروم والارز المطحون ونخلطهم باليد

بالاضافه للملح والفلفل

ونرجع نضع جزء جزء فى الكبه او المفرمه لطحنهم جيدا لتصير الكفته ناعمة ومتجانسه بكل المقادير السابقه

بعد ما نفرم الكميه كلها بنبتدى نصبعها اى نعملها اصابع

ونقوم بتحميرها فى الزيت ونشلها على ورقه من مناديل المطبخ لتشرب الزيت الزياده

اللى حابه تسوى جزء بالصلصه بناخذ فصين الثوم المفريين او المقطعين الى قطع صغيره ونحمرهم فى معلقه زيت ونضع عليهم 4 معالق صلصه ونزودها بالميه ونتركها لحد ماتتسبك على النار مع قليل من الملح والفلفل وماتنسيش انك مملحه الكفته من قبل

ونضع فيها جزء من الاصابع المحمره هكذا

وبنقدمها مع ارز ابيض

وطبق سلطه خضراء

وبالهنا والشفاء

إرسال تعليق

0 تعليقات