‫فطيرة بكريمة الشيكولاته (النوتيلا)

المقادير

ربع كيلو دقيق

ملعقه صغيره ملح

1 بيضه كبيره

2 ملعقه كبيره زبده وممكن ربع كوب زيت

2 ملعقة كبيره سكر

ملعقه خميره فورية

نص كوب لبن دافي او اكتر حاجه بسيطه

(الكميه حسب ما العجينه تبقي كويسه معاكي علي حسب نوع الدقيق)

علبة نوتيلا او اي علبة كريمة شيكولاته فيه دومتي بتبقي حلوه برضو

الطريقه

قلبي المواد الجافه مع بعضها وبعد كده نضع الزبده والبيض ونقلب كويس

وبعدين نضيف اللبن حبه حبه ونعجن كويس وكل ما كان اكتر كل ما كان احسن

بعد كده سبيها تخمر كويس حوالي ساعه او اكتر

وبعدين افردي العجينه لمستطيل كبير

ثم اقسمي المستطيل اتنين بالطول

احشي كل قسم بالنوتيلا ممكن تحطي مكسرات كمان حسب الرغبه

لفي كل مستطيل زي السويسرول

بعد كده لفي المستطيلين علي بعض زي الضفيره

ثم اقفلي الطرفين عشان يبقوا دايره وحطيها في صينيه مدهونه زبده

غطيها وسبيها تخمر ساعه في مكان دافي

اخبزيها في فرن حامي

(حوالي 200 درجة) لحد ما تحمر من فوق ومن تحت 30 -35 دقيقة)