حلى بنكهة الليمون على الطريقة الفرنسية

المقادير

بياض أربعة بيضات
صفار ثلاث بيضات
كوب حليب
ثلاثة أرباع كوب سكر عادي
ربع كوب عصير ليمون
بشر ليمونة كاملة
ملعقتين طعام دقيق
ملعقتين طعام سكر ناعم
ذرّة ملح

الطريقه

نخفق بياض البيض الى ان يجمد
ونضيف له ذرة الملح وملعقتين السكر الناعم على دفعات الى ان يجمد ويطلع لنا المنقار
أو الشريط وبكذا خلصنا من الميرانغ

بزبدية ثانية نخفق صفار البيض مع السكر الخشن لين يتجانسون
ونضيف الحليب وبعدين عصير الليمون بعدين بشر الليمون وآخر شي نضيف ملعقتين الدقيق
ولو بتكرهى نكهة البيض أضيفي فانيليا كثير - انا بضيف روح الليمون عشان ريحة البيض

نرجع للميرانغ ونضيف عليه الخليط إللي قبل
وبشكل دائري نحرك ونراعي الخفة لا يفش علينا الميرانغ يعني خفق يدوي من فوق لتحت

نجيب أكواب السوفليه ونوزع الخليط فيها

أهم شي بالموضوع إن نصفها بصينية فيها شويّة موية مغليه لين تغطي نصف الأكواب
عشان تاخذ السوفليهات راحتها بالنضج والإرتفاع دون من تتأثر بالحرارة
ونخبزها بالفرن بحرارة متوسطة تقريباً 350 درجه لمدة 15-20 دقيقة أو لما ترتفع ويصير الوجه ذهبي
لما تطلع نرشها على طول بشويّة سكر