الكباب المشوى

المقادير

نص كيلو لحمه مفرومة وياريت يبقى مفروم معاها حته دهن
خضرة قطعتها صغير جدا ويفضل الاكتر يبقى بقدونس
بصله كبيرة مبشورة بس تتبشر بعيد عن اللحمه
وتمسكيها بعد البشر تعصريها من الميه وتحطيها على اللحم
ربع معلقة قرفة صغيرة
فنجان صغير بقسماط مطحون
معلقة فلفل اسود صغيرة
معلقة كمون صغيرة
معلقة كاري (اختياري) ممكن لو مش موجود مش مهم
والملح حسب الرغبة

الطريقه

وتبداي تقلبي الخلطة في بعض
ممكن تتخلط في الخلاط علشان تبقى الخلطة كلها ناعمه بس انا مخلطتهاش
تجيبي عصاية خشب او اي حاجه تكون رفيعه وطويلة علشان تصبعي الكباب عليها
انا استخدمت طرف معلقة صغيرة
تحطي اللحمه وتبدأي تلفيها على طرف المعللقة
لحد ما تعملي صباع الكباب وتشيليه بالراحة وانتي بتلفيه
ولو عندك عصيان خشب الرفيعه ممكن تسيبيها فيه
تخلصي اللحمه كلها وتحطيها في طبق كبير وتغطيه
وتحطيه في التلاجة لمدة ساعه انا سبته اكتر من ساعه
تولعي الفرن الشواية من فوق لحد ما يسخن
وتكوني جبتي الشواية او الحديده اللي في الفرن اللي بنحط فوقها الصينيه حطي عليها ورق قصدير
ووزعي عليها الكباب وسيبي مسافة كبيرة بين كل واحده والتانيه
وتبع الكميه ممكن تسويها على مرتين
بتسيبيها لحد ما تبدأ تنزل ميا وده طبعا من الدهن اللي موجود وتبدأي تقلبيها كل شوية تقلبيها
وتكوني مجهزه طبق التقديم انا حطيت ورق خس وقطعت شرايح طماطم وليمون
ممكن تقديمه مع سلطة عادية وسلطة طحينة
وبالهنا والشفا