وصفات - فى اول الصفحه

حريرة مغربي بلسان العصفور



مزيج ما بين وصفة الحريرة المغربية
وشوربة لسان العصفور المصرية
والنتيجه كانت أكثر من رائعه


المقادير

مقدار 200 جرام لحم مكعبات صغيرة جداً
و2 بصله متوسطة مفرومة ناعم
و½ معلقة كبيرة بودرة جنزبيل
و½ معلقة كبيرة كركم
و½ معلقة كبيرة بابريكا
ملح وفلفل أسود
و4 معالق كبيرة زيت زيتون
و½ كوب بقدونس مفروم ناعم جداً
و½ كوب كزبرة مفرومة ناعم جداً
و¼ كوب ورق كرفس مفروم ناعم جداً
و2 كوب عصير طماطم
و2 معلقة كبيرة صلصة طماطم
لتر مرقة لحم
و½ كوب ماء مذاب فيه 2 معلقة كبيرة نشا
و½ كوب لسان عصفور
و2 معلقة كبيرة سمنة

الطريقة

نشوح اللحمة في زيت الزيتون مع البصل وكل التوابل
نضيف صلصة الطماطم وعصير الطماطم والمرقة وكل الخضرا المفرومة
أول ما الخليط يغلي نضيف الماء المذاب فيه النشا مع التقليب المستمر
ندوق للتأكد من مقدار الملح والفلفل الأسود
ونعلي النار على الشوربة نص ساعه لحد ما كل المكونات تدوب مع بعض وتمتزج كويس
نوطي النار ونغطي على الشوربة
وفي نفس الوقت نحمر لسان العصفور في السمنة لحد ما ياخد لون ذهبي
نضيف لسان العصفور على الشوربة
ونستمر في التقليب لحد ما لسان العصفور يبدأ يستوي
لو الشوربة أصبحت سميكة زياده ممكن إضافة مرقة أو ماء لتخفيفها
أول ما لسان العصفور يستوي تماماً نشيل الحريرة من على اانار ونقدم

وبالهنا والشفا

إرسال تعليق

0 تعليقات