الكبسة بقطع الفراخ

المقادير


الرز طبعا - ممكن ارز بسمتى أو أرز مصرى

فراخ انا عملتها هنا بقطع صدور الفراخ
ممكن تتعمل بالفراخ بالعظم
بس تكون
متقطعة قطع علشان تستوى بسرعة

صلصة
طماطم مقطعة قطع ضغيرة
فلفل شرايح
جزر مبشور
بهارات كبسة و ملح و فلفل و سمنة او زبدة
مكعبة مرقة دجاج
بصل مقطع صغير
ممكن اضافة بسلة

الطريقة

اول حاجة حنغسل الرز طبعا و نحضرة
فى الحلة ايلى حنطبخ فيها نحط السمنة و نشوح البصل و بعدين نحط الفراخ
بعدين الفلفل الشرايح و بعدين نحط الجزر المبشور و بعدين الطماطم
المتقشرة و متقطعة صغير و بعدين الصلصة و المكعب المرقة و بعدين البهارات
كلة كدة بالتدريج و نقلبهم تقليبتين لحد لما يتخلطوا كويس و بعدين نضيف مية
انا ضيفت مية علشان مش بحب شوربة الفراخ و كنت ضايفة مكعب مرقة
لو بتحبى باللحمة بحط لها شوربة اللحمة
نسيبهم لحد لما يغلوا كويس و نروح ضايفين الرز و نظبط الملح
نغطى الحلة و نسيب الرز يستوى عادى و لما يتشرب المية نوطى علية
بعد ما نتاكد انها الرز استوى كويس و الفراخ ممكن نقدمها كدة