خبز النان الهندى

المقادير

عدد 2 كوب ونص دقيق
ملعقه صغيره خميره بودر
ملعقه كبيره سكر
نص ملعقه كبيره بيكنج بودر
ملعقه صغيره ملح
نص كوب ماء
نص كوب زبادى
ملعقه كبيره زيت نباتى
سمسم وحبة البركه وزبده على الوجه

الطريقه

هندوب الخميره فى الميه
ونحط فى اناء الدقيق مع المواد الجافه الباقيه
اللى هى السكر والملح والبيكنج بودر واخلطيهم كويس
بعد كده هتضيفى الزيت والزبادى والميه مع الخميره
هتبقى معاكى عجينه بس لازقه شويه فى ايدك مش مشكله هى بتبقى كده
ادهنيها بشوية زيت علشان متلزقش فى الوعاء وسيبيها تتخمر 1/2 ساعه
هتشكليهم ل 6 قطع وافرديهم بالنشابه على شكل بيضاوى سمك 1/2 سم
ورشيها من فوق بسمسم وحبة البركه واضطى عليها علشان يلزقو
سيبيهم يرتاحو 5 دقايق وتكونى مسخنه الفرن على 400 درجه مئوىه
والعيش ده هيتحط فى القاااااع على الصاجه اللى ملامسه للنار مباشرة
فى 3 دقايق هتلاقيهم بقو منفوشين
اقلبيهم على الوجه التانى يحمرو شويه ولما يطلعو ادهنيهم بالزبده