المقادير
كوب ونصف حليب
كوب و نصف كريمة لبانى او خفق
فانيليا سائل لو مفيش يبقى بودر بس خام من غير سكر
كوب سكر او حسب ما تحبى السكر اقل او ازيد
6 صفار بيض
معلقتين سكر وربع كوب كريمة لصوص الكراميل
نوع المكسرات الى تحبيها بس عادة بيبقى عين الجمل الى بيمشى مع النوع ده
الطريقة
نضيف الحليب والكريمة فى حلة تكون تقيلة شوية عشان الكريمة ما تتحرقش
ونضيف معاهم ربع كوب سكر والفانيليا ونقلب لحد ما السكر يدوب
نضرب صفار البيض مع باقى السكر والفانيليا لحد ما السكر يدوب كويس
ويتخلط كويس مع الصفار اول ما الحليب والكريمة يقرب على الغليان ما يغليش اشله من على النار
وابدا اضيف شوية لخليط البيض و اضرب كويس
وباعمل كدة عشان درجة الحرارة ما تسويش البيض
وباستمر فى انى اضيف شوية شوية
واقلب بالمضرب لحد ما احس ان خليط البيض بقى نفس درجة حرارة الحليب
و بعد كدة باضيفه عليه واقلبه كويس و اصفيه
واحطه فى الفريزر وباطلعه كل ساعة اقلبه
وارجعه الفريزر تانى لو ما عنديش مكنة ايس كريم
لعمل صوص الكراميل
احرقى معلقتين سكر مع معلقة مية اول ما يبقى لونه بنى دهبى
ضيفى الكريمة ونصف معلقة زبدة و ارفعيه من على النار
ولما يبرد ابقى ضيفيه للايس كريم الى فى الفريزر
هو عين الجمل المحمص وقلبيهم كويس و بالهنا
0 تعليقات