وصفات - فى اول الصفحه

تيراميسو


المقادير

علبتين ماسكوربوني (كريمة ايطالية) كل علبة 250غم
و5 بيضات
رشة ملح
Boudoir (boudwar) بسكويت
و150 غم سكر
نسكافيه
ماء دافئ

الطريقة

بناخد البيض وبنفصل البياض عن الصفار
نزيد على البياض رشة ملح
ونخلطهم مع بعض منيح 10دقائق حتى يصير لونه زي الثلج
ولما نحرك الجاط ما يوقع منه ونخليه فيه
بعدها بنجيب جاط تاني الصفار - طبعا بنخفقه بالاول مع السكر
بعدها بنزيد عليه الكريمة علبتين تقريباً
وشوي شوي وبنخفقهم بالخفاقة لمده 10 دقائق
لحد ما يصير لونه أصفر فاتح
بعدها بناخد معلقة خشب او بلاستك
وبنزيد عليهم بياض البيض اللي عملناه بالاول
ونزيده شوي شوي ونخلط شوي شوي بالمعلقة
رح نشوف انها صارت زي السائلة لحد ما نخلص كل الكمية
بعدها بناخد جاط بايركس وصحن غميق زي صحن الشورية
نحط فيه مي حرارتها وسط ونحط فيه نسكافيه حتى يصير لونه بني غامق
بناخد البسكويت على جهة السكر بنغطسه بالنسكافيه
بتمسكي حبة البسكوت بالعرض من جهة السكر ولما تيجي تغطسيه بتحكي
ومباشرة بتشيليه من النسكافيه لأنه نوعية هذا البسكويت بسرعة بدوب
بتصفي البسكويت في جاط البايركس حد بعضه
وبتصير هيك طبقة بسكويت من تحت وبعدها طبقة الكريمة اللي عملناها
وبتعملي هيك طبقات مثل ما بدك او اذا بتحبي طبقتين بس
وبالاخير طبقة رح تكون طبقة كريما مغطية كل البسكويت
بعدها بنرش (باستخدام مصفاه) كاكاو او نسكويك
بعدها بنغطيه بالقصدير بحيث انه ما يلصق عليه ويخرب شكله
وبنخليها بالثلاجة 12 ساعة

إرسال تعليق

0 تعليقات