فراخ بالكاري

المقادير

نص كيلو أوراك فراخ مقطعة مكعبات
ربع كوب مشروم مقطع اختياري
ربع كيلو فلفل ألوان مقطع شرائح
بصلة كبيرة مقطعة حلقات
نص فنجان صلصة طماطم
ملعقة صغيرة كاري
ملعقة صغيرة زعتر
ملعقة صغيرة قرفة
ملعقة صغيرة خل
عصير ليمونة
ملح وفلفل

الطريقة

شوحي الفراخ مع الزيت في طاسة
وضيفي عليها التوابل اللي عندك من ملح وفلفل وكاري وزعتر وقرفة
وبعد كده ضيفي عليها الخل وعصير الليمون
بعد كده دوبي صلصة الطماطم في شوية مية وضيفيها على الفراخ
وأول ما الفراخ تدخل في السوى ضيفي المشروم
شوحي الفلفل والبصل في شوية زيت على النار لحد ما يدبلوا
ولو عندك أي صوص ممكن تحطّيه
وبعد كده ضيفي خليط البصل والفلفل ده على الفراخ
وقلبيهم شوية مع بعض على النار، وقدميها
وممكن تعملي مع الطبق ده مكرونة بالصوص الأبيض أو أرز أبيض