وصفات - فى اول الصفحه

سمك مشوي بالثوم والليمون

سمك مشوي بالثوم والليمون


المقادير

السمك بالنوع والكمية اللي بتفضليها - بورى او بلطى و اى نوع يناسبك
10 فصوص ثوم مقطع شرائح
ملعقة صغيرة فلفل أحمر مطحون
ملعقة صغيرة بهارات سمك
2 ملعقة كبيرة زيت زيتون
ملعقة صغيرة كزبرة ناشفة
2 ليمونة مقطعة شرائح
كوب عصير ليمون
ملح وفلفل

الطريقة

اغسلي السمك ونضفيه كويس واخلطي كل البهارات والتوابل اللي عندك وتبلي السمك بالخليط ده من جوه وبره
اعملي فتحات في السمك بالسكينة ووزعي الزيت عليه بحيث يدخل بين الفتحات دي
وبعد كده حطّي في كل فتحة شرائح من الثوم والليمون وكمية من عصير الليمون والباقي حطّيه جوه السمك
غلفي السمك في ورق الزبدة وحطيه في صينية ودخليه الفرن على درجة حرارة متوسطة
وسيبيه لمدة تتراوح ما بين 30:40 دقيقة وبعد كده شيلي الورق وسيبيه مرة تانية في الفرن لمدة 10 دقائق
وبعد كده قدميه وزينيه بشرائح الليمون

إرسال تعليق

0 تعليقات