فيليه السمك مع البطاطس

المقادير

4 حبات بطاطس

3/4 كيلو سمك فيليه

1/2 كوب لبن أو كريمة

4 فصوص ثوم مفرومين

4 ملاعق كبيرة زبدة

2 ملعقة كبيرة زيت

ملح وفلفل

الطريقة

أوّل حاجة اسلقي البطاطس في ميه بملح لمدة 15 دقيقة أو لحد ما البطاطس تستوي

بعد ما تستوي صفّيها من الميه ورجّعيها في الحلة تاني وحُطّيها على نار هادية واهرسيها مع الزبدة واللبن أو الكريمة وتبليها بالملح والفلفل

تبّلي قطع السمك بالملح والفلفل

وقلّبيه في الزيت

وبعدين رُصّيه في صينية

ووزّعي عليه الثوم المفروم والبطاطس المهروسة

ودخّليه الفرن لمدة 8 : 10 دقائق أو لحد ما السمك يستوي

بعد كده ولّعي الشواية على السمك لمدة دقيقتين لحد ما البطاطس يبقى لونها دهبي

وبعدين رُصّيه في طبق التقديم