شرائح اللحمة بزبدة الليمون

المقادير

كيلو لحمة استيك
و2 ملعقة كبيرة زبدة مقطّعة مكعبات صغيرة
ملح وفلفل
و1/ 2 كيلو خضار مشكل
(جزر وكوسة وفاصوليا خضراء)

مقادير زبدة الليمون

مقدار 1/8 كيلو زبدة مكعبات
ملعقة كبيرة بقدونس مفروم
ملعقة كبيرة زعتر مفروم
ملعقة بشر ليمون
ربع كوب عصير ليمون

الطريقة

تبلى اللحمة بالملح والفلفل
شوحي اللحمة في ملعقة زبدة، لغاية ما تحمر من الجانبين
وبعد كده دخليها الفرن شوية لحد ما تستوي
اشوي الجزر والكوسة في نفس الطاسة اللي حمرتي فيها اللحمة
وفي طاسة تانية حطّي قطعة زبدة، وشوّحي فيها الفاصوليا
لتحضير زبدة الليمون؛ اضربي الزبدة في الخلاط أو الكبّة
وبعد كده ضيفي عليها بشر الليمون
وبعدين ضيفي الزعتر والبقدونس والملح والفلفل
واخلطيهم كلهم مع بعض كويس لغاية ما المكونات تتجانس
بعد كده طلعي خليط الزبدة على ورق فويل
ولفيه وحطيه في الفريزر؛ لحد ما يتجمد
عند التقديم
حطي اللحمة في طبق التقديم ومعاها الخضار وطلعي الزبدة من الفريزر
وقطعيها شرائح وحطيها على شرائح اللحمة