وصفات - فى اول الصفحه

صوص الكارى



نشوح بصله مع 5 فصوص ثوم فى شويه زيت
بعدين نضيف 2 ملعقه دقيق و2 ملعقه بودره كارى لو انت مش فى مصر
انا بستعمل كاري مهران ده هندى وطعمه رائع لو مفيش يبقي اى نوع عاوزاه
اضيفي لتر شوربه وعصير ليمونه وملعقه صغيره مليانه سكر ولا تستغربى مش حتبان مع الكارى
بس هى ضروريه وملح واتركيهم يغلوا 10 دقائق
ثم اضيفي الفراخ المسلوقه ومقطعه او الجمبرى او اللحمه
اى لحوم انت عايزاها و بطاطس مسلوقه مكعبات واي خضار تحبيه
انا بحط كمان مشروم وبازلاء ويغلوا 10 دقائق اخرى

حاقول لك على سر صغير للكاري
وهو لبن جوز الهند اضيفي مع الخضار نص كوب لبن جوز الهند
ولو مفيش اغلى نص كوب جوز هند عادى مع كوب ونص ماء
اغليهم ثلث ساعه على نار هادئه
ثم صفيهم واضيفيهم للكارى مع الخضار وابقي قولى لى رايك ايه

إرسال تعليق

0 تعليقات