طاجن الكاليماري بالزيتون

المقادير

كيلو كاليماري

ملح وفلفل وبهارات سمك

نص رأس ثوم مفرومة

كوب مية

ورقة لاورا

نص كيلو طماطم

ربع كوب زيتون أخضر محشو بالجزر

بصلة مقطعة شرائح

حزمة شمر مقطعة قطع صغيرة

الطريقة

هاتي الكاليماري واغسليه كويس وقطعيه إلى حلقات

سخني الزيت على النار وضيفي إليه البصل والثوم

وقلبيهم كلهم مع بعض لغاية ما تلاقي إن لونهم بقى ذهبي

ضيفي إليهم الكاليماري وقلبيهم كلهم مع بعض لمدة عشر دقائق

بعد كده ضيفي إليهم ورقة اللاورا والشمر والملح والفلفل

وسيبيهم مع بعض لمدة خمس دقائق

وبعد كده ضيفي إليهم كوب من المية

وسيبيهم يغلوا سخني الفرن على درجة حرارة متوسطة وحطي الكاليماري في طاجن

وضيفي إليه الزيتون ودخليه الفرن لمدة نص ساعة أو لغاية ما تلاقي الكاليماري وشه أحمر

وممكن مع الطاجن ده تعملي طبق رز أبيض