طريقة عمل الفراخ المشويه

المقادير

فرخة مغسولة ومقطعة
و2 بصله مبشورة
طماطم مقطعه
فلفل حلقات 
بهارات
ملح وفلفل أسود وكارى وزعتر وبهار فراخ وبهارات لحمة
ثوم مهروس
ليمون حوالى 4 ليمونه
زبادى - دانون
كاتشب
مايونيز

الطريقه

حطى الفراخ فى حلة وعليها 3 فصوص ثوم مهروسين ونصف ملعقة صغيرة كمون
حطيها على نار هاديه وكل ماتنزل سوايل ارميها لحد ماتنشف خالص
بعد كده أغسليها وحطيها فى مصفة تنزل اللى فيها
اخلطى الطماطم والفلفل والبهارات والبصل والتوم والزبادى (دانون) و2 ملعقه كاتشب و2 ملعقة مايونيز والليمون على بعض وقلبيه
حطى الفرخه فى التتبيلة دى وسبيها فى التلاجة أقل حاجة 3 ساعات ويفضل لو باتت

الخطوه دى اختيارى
أنا بجيب بطاطس وأقطعها صوابع بس سميكة شوية
وبدل ماأحمرها وتشرب زيت بحطها فى قاع الصينية
وأحط فوقها الفراخ بتستوى معاها وبتشرب من التتبيلة وبيبقى طعمها تحفه

حطى الفرخه فى الصينيه وغطيها وحطيها على البوتاجاز على نار هادية لحد ماتستوى