وصفات - فى اول الصفحه

بط محشي فريك



المقادير

نص كيلو فريك
و1 حبة طماطم مقطعة قطع صغيرة جداً
و2 معلقة كبيرة زبدة
و3 معالق كبيرة زيت عباد الشمس
و3 بصلات مقطعة قطع صغيرة
و3 حبات بطاطس مقطعة قطع صغيرة
ملح وفلفل وبهارات
و3 بصلات مقطعة شرائح
ورق لاورا
و3 أكواب مية دافية
كوب كبير دقيق
عصير ليمونة

الطريقة

هاتي الفريك واغسليه كويس وبعد كده حطيه في المصفاة
هاتي حلة وحطي فيها الزبدة والزيت وحطيهم على النار لغاية ما يسخنوا
وبعد كده ضيفي إليهم الفريك مع التقليب المستمر لغاية ما الفريك لونه يبقى ذهبي
لما تلاقي إن الفريك لونه بقى ذهبي
ضيفي إليه الطماطم المبشورة والبصل والبطاطس والملح والفلفل والبهارات
وشوحيهم على النار لمدة 10 دقائق مع التقليب المستمر
بس خدي بالك إن النار تكون هادية
هاتي البطة ونظفيها كويس من جوه ومن بره
واغسليها بالمية وبالملح والدقيق والليمون وبعد كده اغسليها بالمية
وبعدين حطيها في المصفاة علشان تصفي كل المية اللي فيها
بعد كده هاتي شوكة واغرسيها في جسم البطة في أماكن مختلفة
بعد كده ادهني قلب البطة بالملح والفلفل وابدئي في حشو قلبها بخلطة الفريك
هاتي صينية الفرن وادهنيها سمنة وحطي فيها شرائح البصل المتبل بالملح والفلفل وورق اللاورا
وحطي عليهم البطة ورشي الملح والفلفل والبهارات على سطح البطة
لو لقيتي إن فيه فريك باقي منك ممكن إنك تحطيه في ورق فويل وتلفيه كويس وتحطيه في صينية الفرن مع البطة
ضيفي إلى الصينية كوباية مية دافية وغطي الصينية بالورق الفويل
ودخليها الفرن على درجة حرارة متوسطة لمدة ساعة ونص
بعد مرور الساعة ونص خرجي الصينية وشيلي من عليها الورق الفويل
وسيبيها في الفرن لمدة نص ساعة كمان علشان وشها يحمر
بعد مرور النص ساعة خرجيها وحطيها في طبق التقديم
وزيني الطبق من على الأطراف بالبطاطس

إرسال تعليق

0 تعليقات