طريقه عمل صينيه الفراخ بالبطاطس

المقادير

فرخه كبيره

كيلو بطاطس

2 ثمرة طماطم

2 ثمرة فلفل اخضر

ثمرة بصل

3 فصوص ثوم

2 ثمرة متوسطة جزر

البهارات

فلفل

ملح

2 حبة حبهان

رشة زعتر

2 ملعقة كبيرة زبادى

الطريقه

تقطع الفرخه قطع صغيره 8 او 9 قطع وتقطع البطاطس حلقات

نضع البصل والثوم والطماطم والفلفل والجزر فى الكبه ونضع عليهم الزبادى وجميع البهارات

واضربيهم كويس فى الكبه حتلاقيه اصبح شبه سائل بسبب الزبادى والطماطم

وبعدين احضرى الفرخة وتبليها بالخلطه وحاولى توسعى جلد الفرخه

وتضعى الخليط بين اللحم والجلد ثم ضعى الفرخه جانباً

وضعى ما تبقى من الخليط على حلقات البطاطس وقلبيهم جيدا

ثم ضعيهم فى صينيه الفرن وضعى فوقها قطع الفراخ

ضعى الصينيه على نار متوسطه لمده 25 دقيقه ثم ارفعيها من على النار

وضعيها فى الفرن فى الرف الاوسط على حراره 190 درجه لحد لما تتسوى

ملاحظات

ممكن لما تتبلى الفراخ تتركيها لمده ساعتين او ثلاثه حتى تتشرب الخلطه

واذا كنتى مستعجله مفيش مشاكل برضه حتتشربها

وبعدين تطلعيها من الفرن

وبألف صحه وعافيه