شاورما لحمة مع كرات البطاطس والبشاميل

المقادير

نص كيلو لحمة مقطعة شرايح
و4 ملاعق كبيرة سمن
و2 ملعقة صغيرة بهارات
و6 فصوص ثوم مهروسة
حبة بصل
ملح وفلفل

لعمل البطاطس

عدد 4 حبات بطاطس مسلوقة
و1/2 كوب بقدونس مفروم
ملعقة صغيرة ثوم مفروم
و2 فلفل أخضر مفروم
ملعقة صغيرة كزبرة
و2 ملعقة كبيرة زبدة
و1/ 2 كوب حليب
ملح وفلفل
و4 ملاعق كبيرة جبنة رومي مبشورة

لعمل البشاميل

عدد 6 ملاعق كبيرة دقيق
و4 ملاعق كبيرة زيت
و2 ملعقة كبيرة زبدة
ملعقة صغيرة ملح
كوب جبنة رومي
و2 ملعقة كبيرة بقسماط
و1/ 2 ملعقة صغيرة بابريكا

الطريقة

أول حاجة حضري الشاورما
شوحي الثوم والبصل في السمنة لحد ما يبقى لونه دهبي
وبعدين حطي معاه اللحمة وشوحيها لحد ما تنزل ميتها
وتبليها بالملح والفلفل والبهارات
وبعدين حطيها في صينية فرن

لتحضير البطاطس
اهرسي البطاطس كويس
وتبليها بالملح والفلفل والكزبرة والثوم والجبنة والبقدونس
وقلبيهم مع بعض

بعدين حطي على البطاطس اللبن والزبدة
وقلبيها لحد ما تعمل عجينة لينة، وبلّي إيديك بشوية زيت
وابدئي شكلي منها كرات متوسطة ورصيها في الصينية فوق اللحمة

لعمل البشاميل
قلّبي الدقيق مع السمنة على نار متوسطة لحد ما لونه يبقى دهب
وبعدين صبّي عليه اللبن تدريجيا وقلبيه بالمضرب لحد ما يبقى قوامه كريمي ناعم

تبلي البشاميل بالملح وبعدين صبيه فوق كرات البطاطس
ووزعي عليه الزبدة والبقسماط والبابريكا
دخليه الفرن لمدة 30:40 دقيقة لحد ما لونه يبقى دهبي
وقدمه بعد ما يبرد بالهنا والشفا