المقادير
كيس مكرونه فوتشينى اللي بتكون شرائح عريضه ولو مش متوفر تبقي مكرونه اسباجتي
صدور دجاج تقطع مكعبات
بصل شرايح
جزر مبشور وبسله
مكعب ماجي
طريقة الصوص الابيض
ملعقتين مايونيز
ملعقتين جبن سايل
ملعقتين قشطه
مقدار ملعقتين جبن موزريلا
طريقة التحضير
تحضير المكرونه
احضري حله وفيها ماء كافي للكمية ومعلقه زيت ومكعب ماجي
وعند غليان الماء نضع المكرونه حتي تنضج
ويتم تصفيتها تبريدها بالماء بعد النضج
نحضر طاسه ونحط فيها معلقتين الزيت
ونشوح البصل بعد ما شوحنا البصل
وشبه استوى نحط عليه الجزر المبشور والبسله
ونقلب ونشوحهم لغايه ما نسويهم شويه مع البصل
بعد ما يستوى الجزر والبسله و البصل شويه ننزل صدور الفراخ المقطعه مكعبات
ونقلب الخليط ونسيبه 3 دقايق مع التقليب كل شويه لما يكتمل السوى
طريقة الصوص الابيض
بناخد مقدار من كل المكونات المايونيز والجبنه السايله
يعنى الجبن المطبوخ او النستون والموتزاريلا والقشطة ونخلطهم مع بعض
وهنا على حسب فى ناس بتحب مايونيز اكتر او اقل دة حسب الرغبه
نضع الصوص الابيض علي المكرونه المصفاه والمبردة ونقلب جيدا
ثم ننزل بخليط الدجاج ونقلب المكرونه مع الدجاج جيدا وتترك علي نار هادئه 5 دقائق
وتقدم مع السلاطة الخضراء والبطاطس المحمرة
ويمكن اضافه المشروم الي خليط الدجاج علي حسب الرغبة
0 تعليقات