صناعه الطحينه بالمنزل بالخطوات وسلطة الطحينة

طريقه سهله ونظيفه

المقادير

3 اكواب سمسم غير محمص - ودي تكه مهمه اوي

كوب وربع طحين ابيض

كوب و ربع زيت ذره

الطريقه

اهم شيء السمسم يكون ني و غير محمص ليه ؟

علشان عند التحميص هتلاحظي وجود لمعه في السمسم

ولو مسكناه بطرف الاصابع هتلاحظي ان السمسم فيه ماده دهنيه

وده زيت السمسم اللي كله فوائد كتير جدا جدا

لكن لو اشتريناه متحمص جاهز هيكون فقد الماده الدهنيه

دي نضع السمسم في حله و نحمصه

بس بلاش يتحمص ويكون غامق خلي لونه فاتح يعني حوالي 10 دقائق على نار عاليه

وتقليب مستمر نتركه يهدأ

وبعد كده نطحنه في المطحنه او الكبه

نضيف الدقيق عليه

ونرجع تاني نخلط الخليط في الكبه حتى يصبح متماسكا

ننزل بنصف كميه الزيت بهدوء مع التقليب بالمضرب اليدوي

وممكن مضرب البيض الكهربائي

بس يكون على اقل سرعه

نقلب بسرعه فائقه الى ان يتشرب الخليط من الزيت

نضيف باقي الكميه مع الاستمرار في التقليب هتجدي الخليط سائل لكن متماسك

سيبيه في برطمان واغلقيه واحفظيه في الثلاجه

عند الاستخدام طلعي جزء في طبق وخففيه وضعي اضافاتك وتوابلك

لتحصلي على احلي سلطه طحينه

طريقة سلطة الطحينة

المقادير

نص كوب طحينة

2 فص ثوم مفروم

1/2 ملعقة صغيرة كمون

1/2 ملعقة صغيرة شطة

ملح فلفل بسيط

خل 2 : 3 ملاعق كبيرة تقريبا

زيت

ماء دافئ

الطريقة

نضع الطحينة فى طبق نضيف عليها الملح والفلفل والكمون والشطة

وممكن تزودى مقدار الشطة والكمون شويه على حسب رغبتك

ونضيف المايه شويه شويه لحد لما القوام يبقى متماسك

نضيف الخل وشويه زيت

ونحطها فى طبق التقديم

وممكن وضع على الوجه بقدونس مفروم للزينة