عشان محشي ورق العنب يطلع معاكي حلووو وميفكش منك في السوا
لازم تلفيه بالخطوات دي كده والرز يكون قليل ومتعمليهوش كوره يعني يبقا زي الخطوة التالته كده
وعشان مش يشيط منك جمعي البتاع اللي بتشيله في الخطوة التانيه دا
وحطيه في ارضية الحلة ورصي فوقيه
لما ترصي مثلا اول سطر بالطول والسطر التاني اللي فوقه ترصيه بالعرض
يعني يبقا عكس اللي تحته عشان كلو يستوي زي بعضو ومش يفك
ولما تيجي تسويه حطي عليه الشوربة ويادووب تغطيه
وبعدين تحطي فوقيه طبق اصغر من الحلة
بحيث يضغط عالمحشي عشان ميفكش لما يستوي
وبعدين تغطي الحلة وتعلي عليه النار لحد مالشوربة تغلي جواه وبعدين توطي عليه خااالص
وتطفي عليه لما تلاقي صوت الشوربة اللي بتغلي اختفااا خالص يعني مفيش اي صوت
وفي الخلطة
في ناس بتعملها بطماطم متسبكة وناس بتعملها بطماطم نيه
اي كان الطريقة المهم متكونش الخلطة فيها اي سوايل
يعني تكون الطماطم متسبكة أوووووي والرز مغسول ومتصفى كويس
وتقريبا ناشف بكده تضمني ان الرز يكون حلو جواه وميبقاش معجن يعني
وبس كده بس في الاول طبعا قبل اي حاجه لما بتشترو الورق طازة بتحطوه في ميه مغليه
وفيها ملح وتسلقوه لمدة دقيقتين وتسيبوه يتصفى
0 تعليقات