المقادير
نص كيلو باميه مغسوله ومقمعه
لحمه مقطعه مكعبات كبيره ويفضل هنا الضانى
بصله كبيره مبشوره
3 حبات طماطم كبيره
ملعقه صلصه
5 فصوص ثوم
ملعقه كسبره ناشفه
نص ملعقه صغيره بهارات مشكله
ملح وفلفل
نص ملعقه صغيره سكر
الطريقه
نشوح الباميه مع 2 ملعقه زيت وقطعه سمن صغيره حتى تطلع ريحتها كويس
ولكن تظل محتفطه بلونها الاخضر
يشوح البصل مع الحمه فى ملعقه زيت وملعقه زبده حتى تشرب كل السوائل اللى نزلت منها
نضيف لها ماء وبهارات وفلفل اسود ونتركها تتسلق حوالى 60% من النضج
نتركها تغلى مكشوفه لغايه ما تشرب الميه ويظل فيها حوالى 2 كوب شوربه
نضرب الطماطم فى الخلاط مع نص كوب ماء وبعد كده نخلطها بالشوربه
ونقلب معها الصلصه بعد كده
نضيف الطماطم والباميه والسكر للحمه
ونتركها تغلى على النار ثلث ساعه ثم نظبط الملح
ثم نقدح لها الثوم والكسبره ونضيفهم عليها
نكون محميين الفرن من قبل
نضع الباميه باللحمه فى طاجن فخار وياريتيكون الصعيدى غير المدهون
وندخلهم الفرن على الصاجه تحت يعنى قاع الفرن
اول ثلث ساعه فرن حامى وبعدين نهدى النار عليه
لو حسيت انها ناشفه او محتاجه صوص
زوديها شويه ميه مغليه او شوربه مغليه اللى عندك
0 تعليقات