وصفات - فى اول الصفحه

ماسك طبيعي لتفتيح البشرة والتخلّص من الخطوط البيضاء

بالنسبة لمشاكل بشرة الجسم والاسمرار اللي بيظهر في بعض المناطق من الجسم
 ففيه حاجات معروفة كل العرايس بتلجأ لها زي الحمام المغربي
 وطبعا ده من الحاجات المفيدة والجميلة واللي بتجيب نتيجة حلوة أوي
 وممكن تستخدمي الليفة المغربي من مرة لمرتين في الأسبوع
 ولما بتيجي تستخدميها بتفركي بها جسمك في حركات دائرية
 وميزة الليفة دي إنك بتقدري توصلي بها للثنايا الصغيرة في الجلد في الكوع والركب وعند منطقة الأذن

ماسكات تفتيح وترطيب للبشرة

ودلوقتي هنعمل مع بعض ماسك لتفتيح بشرة الوجه والجسم
وكمان بيعمل على إزالة الغمقان اللي بيسببه تراكم الأتربة والشوائب على البشرة

الماسك ده مكوناته

قطعتين أو ثلاثة من لسان البحر هتلاقيه عند العطار
ملعقة شوفان
ملعقة ترمس مطحون
ملعقة عشب اللافندر
و3 - 4 قطع صغيرة من الطمي المغربي
ورد مجفف

الطريقة

بنطحن كل المكونات مع بعضها وبناخد من البودرة دي ونحطها على جسمنا ووشنا
وهو مبلول بس نتجنب منطقة العيون
 ونسيبه لمدة 3 دقائق وبعد كده نبدأ نفرك جسمنا بإيدينا مش بالليفة
ومع استخدام الماسك ده هنحصل على بشرة رايقة صافية ولونها فاتح
 وكمان مع المواظبة عليه بيقلل من الخطوط البيضاء اللي بتظهر على البشرة في بعض المناطق

إرسال تعليق

0 تعليقات