أرز بالزعفران والمكسرات والزبيب

المقادير

كوب رز بسمتي 

و2 كوب مرقة دجاج

رشة زعفران

و1/4 معلقة صغيرة كركم

و2 حبة قرنفل

ورقة لارو

حبة حبهان

عود قرفة خشب

تشكيلة مكسرات معاها زبيب

رشة ملح وفلفل وقرفة وجوزة الطيب وفلفل أسود

سمن

الطريقة

نغسل الرز ونسيبه منقوع في المياه

 نحط في الحلة شوية سمنة معاها القرنفل والكركم والحبهان وعود القرفة وورقة اللارو

 نقليهم شوية وبعدين نضيف مرقة الدجاج والزعفران 

وأول ما يغلوا نضيف الرز وشوية سمنة زياده 

ونغطي على نار عالية لحد ما يغلي ويشرب ميته ساعتها نوطي النار خالص ونسيبه يكمل سوا

 في طاسة نشوح المكسرات في شوية سمنة 

ونتبلهم برشة ملح وفلفل وقرفة وجوزة الطيب

 أول ما يبقى لونهم ذهبي نغطي وش الرز بيهم ونقدم