وصفات - فى اول الصفحه

سمك موسى بصوص الثوم والليمون والشبت


المقادير

5 سمكات موسي فيليه
ملح وفلفل أسود
زيت نباتي
زبده

مقادير الصوص

350 مللي حليب
2 معلقة كبيرة دقيق
2 معلقة كبيرة زبده
6 فصوص ثوم مفرومين
200 مللي كريمة
¼ معلقة صغيرة شطة خشنة
1 معلقة صغيرة بودرة ثوم
رشة جوزة الطيب
ملح وفلفل أسود
¼ كوب عصير ليمون
1/3 كوب شبت مفروم

الطريقة

نغسل السمك بمياه وملح وننشفه كويس من أى سوائل أو رطوبة
نتبل كل وش بالملح والفلفل الأسود
لعمل الصوص نسيح الزبده ونضيفلها الدقيق ونص كمية الثوم نسيبهم على النار شوية
وبعدين نضيف الحليب تدريجياً نضيف كل التوابل ونقلب بإستمرار
الصوص حيتقل أول ما يغلي وساعتها نوطي النار ونضيف الكريمة نسيبهم على النار دقيقتين
وبعدين نشيل من على النار ونضيف الشبت وعصير الليمون وباقي كمية الثوم
دلوقتي نسوي السمك في طاسة كبيرة نضيف شوية زيت ومعاهم كمية كبيرة من الزبده
أول ما يسخنه نضيف السمك ومنقلبش غير مرة واحده هشان منكسرش السمك
أول ما يتحمر السمك وياخد لون ذهبي نضيف القليل من المياه
وده هيساعد إن السمك يبقى طري وإن الزبده متتحرقش
لما كل المياه اللي ضفناها تتبخر نقلب على الناحية التانية ونكرر بالظبط نفس الخطوات
نشيل من على النار ونقدم السمك ساخن مع الصوص ورز أبيض

إرسال تعليق

0 تعليقات