الدونتس

المقادير

عدد 4 كوب دقيق

و2 بيضة

معلقة سكر كبيرة

معلقة ملح صغيرة

و1|2 معلقة محسن خبز

تلت كوب زبدة بحرارة الغرفة

تلت كوب لبن بودرة يعنى 3 ملاعق كبيرة

معلقة كبيرة خميرة فورية

و2 كوب ماء وده حسب نوع الدقيق ممكن تاخدى كوب واحد

الطريقة

انا ضيفت كل المكونات مع بعض وعجنت كله مع بعض كويس جدا

حتى ان العجنية لمت معايا ومش لزقت فى طبق العجن ورشيت دقيق 

وتركت العجينة تلت ساعة ترتاح كويس

بعد كده فردت العجينة على التربيزة بالنشابة سمك 2 سم

 وبقطاعة الدونت قطعتها لو مش عندك قطاعة يكوباية ومن النصف اخرميها بغطاء زجاجة

وهاتى صاج ورشيه دقيق كويس جدا ورصى الونت وغطيه بكيس بلاستك مدهون دقيق 

علشان مش يعمل قشره واتركيه يخمر ساعة حسب الجو عندك

بعد كده هاتى زيت غزير لازم يكون كتير فى طاسة غويطة 

وخلى الزيت يسخن كويس علشان لو دافئ هايشرب منك زيت 

ويبقى وحش انزلى بيه فى الزيت وحمريه كويس يكون لونه دهبى

طلعيه على ورق مطبخ يمتص الزيت

ولما بيرد تحسيه اللى تحبيه شكولاته دارك او بيضاء او مربى مشمش او سكر بودر وليكى الاختيار حسب ذوقك انتى