سلطة حمص بلحم

أنا حبيت أختصر في الوقت والمجهود في إستخدمت علبة من الحمص المطحون الجاهز 

خصوصاً كمان إنه مش بيطلع ناعم كده لما بعمله في البيت

المقادير

علبة حمص بالطحينة

عصرة ليمون

رشة كمون

رشة ملح وفلفل أسود

رشة بابريكا 

معلقة كبيرة زيت زيتون

و½ معلقة صغيرة ثوم

لعمل اللحم

ربع كوب لحمه مقطعه مكعبات صغيرة

رشة قرفة

رشة جوزة الطيب 

ملح وفلفل أسود

رشة توابل لحمه

سمنة

الطريقة

لتجهيز الحمص نخلط كل المكونات كويس جداً 

وننقل السلطة لطبق التقديم وبظهر المعلقة نعمل حفرة في النص

لتجهيز اللحم نحمر المكعبات في شوية سمنة مع كل التوابل وأول ما تستوي ننزلها 

وهي سخنة في الحفرة اللي عملناها في نص السلطة

نرش شوية زيت زيتون ونقدم السلطة دافية مع عيش لبناني