صينيه السردين فى الفرن

المقادير

كمية سمك سردين تكفي لصينية حجم وسط ( العادي ) منظف من البطن ونفصل الرأس بس مش زيادة

1 راس ثوم كامل مقطع شرايح

2 ملعقة صغيرة خل ابيض عادي

ملح + 1 ملعقة فلفل اسود صغيرة

1 ملعقة صغيرة شطة للي يحبها مشطشطة

2 ملعقة كمون صغيرة

عصير 2 ليمونات كبار

3 ليمون صغير مقطع شرائح رفيعة

1 حبة فلفل رومي مقطع صغير

1 حبة طماطم متوسطة مقطعة صغير

1/2 حزمة بقدونس مقطعة ناعم + 1/2 حزمة كزبرة خضرا كمان مقطعة ناعم

1 بصلة صغيرة مبشورة

3 ملاعق كبيرة زيت زيتون او عادي حسب الذوق

1 بطاطس كبيرة - نعمل منها طبقة تحت السردين للي يحب

بس انا ما بحبش احط مع السمك حاجة

الطريقه

اولا : نغسل السمك من الداخل والخارج جيدا بالماء الفاتر والخل والملح

ثانيا : نعمل من كل المكونات التانية ماعدا الزيت والليمون المقطع خلطة كله على بعض

ابدأ احشي كل سمكة بكمية من الخلطة وارصها في الصينية جنب بعضها

لما كمية السمك تنتهي ارش الزيت على وجهها كاملة

واضيف شرايح الليمون تحت السمك و1/2 كوب ماء علشان السمك يستوي

اغطي الصينية بالفويل ( القصدير ) واحطها في الفرن لحد ما تتم سواها - تنضج

بس تاخدو بالكم من انه ما تتهريش

ولما تخلص خالص افتح النار من فوق واحمر الوجه شوية علشان تتدي اللون المشوي الجميل

انا باحب احط فيها فحمة علشان تدي ريحة المدخن الخطيرة

تجيبي ملعقة سمن صغيرة وتطفي فيها فحمة مولعة

وتغطي الصينية بالورق زي ما كانت وتتركيها في الفرن لحين التقديم