مكرونه اسباجيتي بصوص البولونيز

المقادير

350 جرام مكرونه اسباجيتي

350 جرام لحمه مفرومة

بصله مقطعه صغير

نص ملعقة صغيرة أوريجانو جاف

5 فصوص ثوم مفرومين

معلقة صغيرة بابريكا

رشه قرفه

1/2 1 معلقه كبيرة أوريجانو فريش

4 طماطم كبيرة طريه

135 جرام معجون طماطم

2 ورقة لارو

1/2 لتر مرقة خضار

ملح وفلفل

زيت زيتون

الطريقة

نشوح البصل في زيت الزيتزن ونتبله برشة فلفل أسود والأوريجانو الجاف

أول ما البصل يطرى نزودله الثوم وبعدين نزود اللحمه المفرومة

نتبل اللحمه بالقرفة والبابريكا والأوريجانو الفريش

نشوح اللحمه لحد ما تنشف تماماً من المياه ولونها يبقى بني

نحط الطماطم الطازة في مياه مغليه 5 دقائق

وبعدين نشيلها نحطها في مياه بارده

ده عشان نعرف نشيل قشرتها بكل سهوله

نفرم الطماطم بالسكينة قطع صغيره جداً ونزودها على اللحمه المفرومة

نزود كمان معجون الطماطم ومعاه ورق اللارو ومرقه الخضار

ونسيب الصوص يتكثف ويغلي على نار عاليه أول ما الصوص يبدأ يتركز ويتقل

نهدي النار ونسيبه على النار الهادية لحد ما نسلق المكرونه

أول ما المكرونه تتسلق وتتصفى من المياه نغطيها بالصوص

ونزوق بأي حاجه خضراء عشان العين بتاكل الأول أنا زوقت بثوم معمر

نبشر جبنه بارميزان أو حتى شيدر على الوش ونقدم