دونتس

مقادير العجينة

عدد 4 كوب دقيق

كوب ماء دافئ

ملعقة كبيرة ملح

ملعقة كبيرة خميرة

و2 ملعقة كبيرة سكر

و½ ملعقة صغيرة فانيليا

و½ ملعقة كبيرة بيكينج باودر

و½ كوب زبدة

و¼ كوب لبن

زيت للقلي

و3 بيضات

للتزيين

نص كوب سكر بودرة

نص كوب قرفة مطحونة

نص كوب شيكولاتة مبشورة

الطريقة

 دوّبي الخميرة في الميه الدافية مع ملعقة كبيرة من السكر

 وسيبيها لمدة 5 دقائق علشان تخمر

 اخلطي الدقيق مع ملعقة السكر الباقية والبيكينج باودر والملح

 ضيفي باقي المقادير الموجودة عندك للخليط السابق 

واعجنيهم مع بعض لمدة 10 دقائق وبعد كده ضيفي الخميرة

 واستمري في العجن لمدة ربع ساعة علشان كل المقادير تتخلط مع بعضها كويس

 حطّي العجينة في صينية مدهونة بشوية زيت

 وغطّيها بفوطة لمدة ساعة علشان تخمر وحجمها يزيد

 رشي رخامة المطبخ بالدقيق وافردي العجينة عليها بسُمك 2 سم

 وقطّعيها باستخدام كوباية كبيرة على شكل دوائر

 وقطّعي كل دائرة إلى دائرة أصغر باستخدام كوباية أصغر

 سيبي العجينة لمدة ربع ساعة علشان ترتاح

 وبعد كده حمّريها في الزيت لغاية لونها ما يبقى دهبي

وارفعيها على مناديل ورق علشان تتشرب أي زيت موجود فيها

 زيني الدونتس بالسكر البودرة أو بالشيكولاتة أو المربى