وصفات - فى اول الصفحه

براونى تارت




المقادير البراونى

كوب جوز محمص ومفروم
و200 جرام زبدة مقطعة مكعبات
و85 جرام شيكولات خام مفرومة
و1/2 كوب كاكاو خام
و1 كوب سكر ابيض
و3 بيضات
و85 جرام جبن كريمي
و1/2 كوب دقيق
و1/4 معلقة صغيرة ملح

مقادير الجناش

مقدار 55 جرام شيكولاته مفرومة
و1/3 كوب كريمة

الطريقه

اولا سخنى الفرن على 325 درجة
ادهنى قالب التارت بالزبدة جيدا
وبطنى القاعدة بتاعته بورق الزبدة




فى حمام مائي ذوبى الزبدة




بعد كده ضيفي الشيكولاته المفرومة
وقلبيهم مع بعض جيدا حتى تحصلى على خليط متجانس




بعد كده ابعدى الاناء عن الحرارة
وضيفي الكاكاو واخلطى




اضيفي السكر واخلطى




بعد كده اضيفي البيض بيضة بيضة
واخلطى جيدا بعد كل اضافة




اضيفي الفانيليا والجبن الكريمي واخلطى




بعد كده اضيفي الدقيق والملح واخلطى




اضيفي الجوز واخلطى




صبي الخليط السابق فى قالب التارت ووزعيه جيدا بالمعلقة
اخبزيها فى الفرن لمدة 20 دقيقة او الى ان تنضج تماما




فى اثناء خبز البراونيز
هنعمل الجناش
سخنى الكريمة على النار
وبعد كده ضيفيها على الشوكلاتة المفرومة




وقلبهم مع بعض كويس لحد مايختلطوا تماما




هنخرج التارت من الفرن وهنسيبه يبرد حوالى 20 دقيقة
بعد كده هنخرمه بايد معلقة خشب كده زى مانتو شايفين




هنحط الجناش فى كيس ونقص طرفه عشان تعرفى توزعيه
وهتملى الخروم اللى عملتيها




وده الشكل النهائي
هتحطيه فى التلاجة وتسيبيه يبرد قبل التقديم

واستمتعى بأحلى طعم
بألف هنا



إرسال تعليق

0 تعليقات