باستا الفارفالى مع صلصه الطماطم والجبن بالخطوات

المقادير

3 ملاعق كبيره زيت زيتون

3 فصوص ثوم

علبه صلصه طماطم

150 جرام جبنه فيتا

3/4 معلقه صغيره ملح

ملعقه صغيره سكر

10 اوراق ريجان طازج

600 جرام باستا الفارفالى

الطريقه

اول حاجه هنجيب الثوم ونقشره ونقطعه شرايح رقيقه

ونجيب مقلاه ونحط فيها زيت زيتون

ولما يسخن نحط الثوم ونقلبه باستمرار لمده دقيقه

وبعدين نضيف صلصه الطماطم والملح والسكر ونقلب المزيج

نجيب الجبنه الفيتا ونقطعها لمكعبات صغيره

وبعدين نضيف قطع الجبنه المكعبات الى الصلصه ونقلب

ونخلى الحراره متوسطه

ونسبهم على النار حوالى 20 دقيقه

مع التقليب كل 3 دقايق

فالوقت دا نجيب اوراق الريجان ونقطعهم

وبعد 18 دقيقه نحطهم على الصلصه ونقلبهم كويس

ونسبهم 2 -3 دقايق على النار

هتلاقى الصلصه بقت سميكه

اسلقى المكرونه بالطريقه المعتاده

وبعدين نحطها ونصب عليها الصلصه الشهيه

وممكن نرش عليها جبنه البارميزان

وبالهنا والشفا