اللي بشرتها حساسه مالهاش في الماسك
النهاره بقى يا بنات هقولكم على حاجه جامده جدا واستحاله تكون جت في بالكم
طبعا كلكم عارفين الماسكات اللي بنشتريها بفلوس كتير لترميم الوجه
بيكون داخل فيها بودرة لؤلؤ وازاي تأثيرها بيكون وهمي على البشره
انا النهارده هقولك ازاي تعملي الماسك ده في البيت من غير ما تتكلفي ولا حاجه تقريبا
طبعا كلنا اكيد اتمشينا على شاطىء البحر من قبل
فى حاجه بتكون على الشط البحر بيرميها على الشط يوميا
الحاجه دى اسمها محار عامله زى العلبه الى بيكون جواها اللؤلؤه
يعنى غطا اللؤلؤه هى بيضاء وزى المروحه فى شكلها
المهم تجبيها وتغسيلها كويس اوى وتحطيها فى برطمان زجاج
وبعدين تعصرى عليها ليمون كتير لما يكون مغطيها وتقفلى البرطمان
وتحطيه فى مكان مظلم لمده 15 يوم
وبعدين افتحى هتلاقى المحاره اختفت
لا مش سحر ولا شىء لكن هى دابت من الليمون
كل يوم قبل النوم تاخدى بقطنه وتمسحى بيها وجهك
وتغسلي وشك بعدها بربع ساعه والله مش هتصدقى نفسك بجد من البياض والنعومه
وكمان المسام هتنغلق لوحدها ومع الاستعمال الحفر القديمه للحبوب هتدوب تماما
طيب نيجى نحلل الو صفه سوا
فكري معايا الليمون معروف انه مبيض هايل
طيب المحار ماهو فى ماسكات غاليه جدا بالاسواق الى بيقلك انه معمول من اللؤلؤ
والى معمول من طمى البحر والى من اعشاب بحريه
طيب ماهو محار يعنى من نفس الفصيله وهيكون فيه كالسيوم وفسفور وفيتامينات طبيعيه
0 تعليقات