وصفات - فى اول الصفحه

طريقه عمل بيكاتا الفراخ بالمشروم




 المكونات

نصف كيلو فراخ صدور بدون جلد او عظم شرائح
نصف علبه مشروم كمبوت او ربع كيلو مشروم فريش مقطع شرائح
و1 بصله كبيره مفرومه
و2 فص ثوم مفروم
و1 معلقه صغيره زعتر فريش او بودره
 نصف كوب كريمه لبانى
و2 كوب شوربه او مرقه
و2 معلقه كبيره دقيق
ملح وفلفل اسود حسب الرغبه
و1 معلقه ديمجلاس بودره وده موجود فى كل السوبر ماركت عشان اللى هتسأل عليه وكمان موجود عند اى عطار 
و2 معلقه زبده وكمان 2 معلقه زيت ذره

الطريقه

 هنجيب صدور الفراخ الشرائح ونتبلها بملح وفلفل وزعتر وبعدين نركنها على جنب
ونجيب طاسه كبيره ونحط فيها الزيت ونشوح الفراخ بطريقتنا المعتاده وبعد كده نرفعها من الطاسه
وفى نفس الطاسه اللى شوحت فيها الفراخ دى هحط معلقتين الزبده مع البصل المفروم
وهقلب كويس جدا بعد كده هضيف الثوم لحد البصل مايدبل معاكى
هنضيف المشروم مع التقليب كويس اوى
بعد كده هنضيف الدقيق ومعلقه الديمجلاس مع التقليب وبعد كده هنضيف الشوربه او الميه
ونقلب كويس عشان الدقيق يفك مع الصوص ومش يخرز معاكى ويعمل كتل بعد كده هنجيب الفراخ
ونحطها مع الصوص ده تكمل تسويه فيه وتشرب من الصوص
وبعد الغليان هنضيف الكريمه ونتبل بالملح والفلفل
لو حسيتى ان الصوص تقيل معاكى تضيفى شويه ميه او شوربه
ولو حسيتى انه خفيف هتسبيه يغلى شويه تانى على النار قوامه هيتقل
وقدمى البيكاتا لكل اسرتك بالهنا والشفا

ممكن نقدم معاها اسباجتى بنفس صوص البيكاتا بتكون هايل
وممكن كمان ارز ابيض او اصفر
كمان مش تنسى تزينى الطبق بشويه بقدونس مفروم

إرسال تعليق

0 تعليقات