وصفات - فى اول الصفحه

طاجن لسان العصفور



المكونات

2 كيس لسان العصفور و يكون نوع كويس عشان ما يعجنش
بصلة متوسطة الحجم مقطعه ناعم
4 طماطمات معصورين
ملح
فلفل
حبهان
رشة قرنفل
ورقتين لاورا
لتر او لتر وربع شوربه

الطريقه

نحمر لسان العصفور كله فى قليل من الزيت ومعلقة سمنه صغيره
التحمير ياخد لون بنى فاتح مش غامق لأنه هيغمق فى الفرن بعد كدة
نصفى لسان العصفور من الزيت الزائد فى مصفاة
نحط قليل من الزيت - قليل جدا- فى وعاء ونشوّح البصلة لغاية ما تاخد لون ذهبى
نضيف عصير الطماطم ونقلب ونضيف شوية ملح وفلفل وباقي البهارات ونطفى النار
نجيب الطاجن أو البرام الفخار
ونحط فى القاع قليل جدا من الزيت عشان الأكل ما يلزقش
ناخد مقدار لسان العصفور ونفرده فى الطاجن
ناخد جزء من صوص الطماطم ونحط طبقة رقيقة فوق لسان العصفور
ثم نغطى الطاجن كله بصوص الطماطم مع البصل
نضيف قليل من الشوربه بالراحة على الطاجن من الطرف عشان الصوص يفضل على وش الطاجن

الشوربة تكون مرتفعة عن لسان العصفور بمقدار عقلة الاصبع
نغطى الطاجن بورقة فويل عشان الوش بتاعة ما يتحرقش
نحط الطاجن فى فرن متوسط الحرارة لمدة ساعة الا ربع
وممكن قبل انتهاء المدة نكشف الفويل عشان الوش ياخد لون

ممكن تحط معاه لحم مفرومه او قطع فراح او خصار مشكل

إرسال تعليق

0 تعليقات