تارت التين والنعناع

Posted by Amira Fayed on June 10, 2013 with No comments

المكونات

مقدار250 جم دقيق
و125 جم زبدة مكعبات
وصفار بيضتين
ورشه ملح
وربع كوب ماء أحتياطى
و260 ملل كريمة خفق
و165 جم جبن كريمى
و3 معالق كبيرة عسل
وكيلو تين كل تينة مقطعة 4 قطع
وحزمة نعناع طازج
ربع كيلو فستق محمص مجروش

الطريقة

فى الفود بروسيسر يوضع الدقيق والزبدة و يضرب لحد مايبقى شبه حبيبات البازلاء الصغيرة
ضيفيلهم الملح والبيض وشغلى الفود بروسيسر نص دقيقة ثم خرجيهم
وحاولى تجمعيهم بأيدك لكورة بس ما تعجنيش لو ماحتاجتيش الماء يكون أحسن
ولفيهم بورق سوليفان و حطيها فى التلاجة لمدة نصف ساعة
خرجيها من التلاجة وسيبيها ترتاح حبة
أفرديها بالنشابة على سطح مرشوش عليه دقيق و حطيها فى صينية مستطيلة
وحطى عليها ورقة خبز و حطيها فى التلاجة ربع ساعة
وحطى عليها ورقة خبز و فيها نص كيلو فول ناشف
وأخبزيها من 20 ل 25 دقيقة و خرجيها من الفرن و سيبيها تبرد تماماً

تحضير الحشوة

فى بولة كبيرة حطى كريمة الخفق
وبالمضرب السلك اليدوى أضربيها لحد ماتبداً تمسك نفسها وضيفيلها الجبنة الكريمى
وقلبى بالمضرب و ضيفى العسل وصبى الخليط فى التارت
وأفرديه و رصى عليه التين أو ممكن تستبدليه بأى فاكهة متوفرة
ورشى عليه أوراق النعناع والفستق وبالهنا والشفا
Reactions: