هـنـاك طـريـقـتـيـن
الطريقة الأولى
المقادير
عدد 3 حبات بطاطس متوسطة
و5 فصوص توم
معلقة مايونيز كبيرة
ملح و فلفل أبيض - حسب الرغبة
لمونتين معصورين - ممكن نزود أو نقلل حسب كل واحد بيحب ايه
معلقة زيت زيتون
الطريقة
طبعا بنغسل البطاطس كويس جدا و بعد كدا بنقطعهم شرائح
و بنحطهم في حلة ميه على النار و نققشر فصوص التوم و نحطها عليه
ناخد بالنا من نضافة البطاطس لأننا هنستخدم مية السلق بتاعتها
بعد لما الميه تغلي و البطاطس تتسلق
نصفيها و ناخد البطاطس و الثوم و نحتفظ بالميه على جنب
نحط البطاطس و الثوم في الخلاط
و نضيف ليهم المايونيز و عصير الليمون و و الملح و الفلفل و معلقة الزيت و نخلطهم في الخلاط
و نضيف من الميه بتاعت السلق عليهم عشان نحدد كثافة التومية
حسب الرغبة بتاعت كل واحد فيه ناس بتحبها سايلة و في ناس بتحبها متماسكة شوية
أنا عن نفسي بنصح يكون قوامها زي الطحينة
بعد كدا بنحطها في التلاجه و بتتقدم باردة
**-**-**-**-**-**-**-**-**-**
الطريقة التانية
المقادير
عدد 3 علب زبادي
و2 فصوص توم
معلقتين مايونيز
ملح و فلفل أبيض حسب الرغبة
الطريقة
بنحط كل المقادير على بعض و ممكن يكون الثوم مفروم من الأول
نضربهم كلهم في الخلاط بس مش كتير أو الأحسن نضربهم بالمضرب اليدوي
0 تعليقات