ارز بالشعريه

Posted by Amira Fayed on June 14, 2013 with No comments

المقادير والطريقه

اول حاجة نحط السمنة البلدي او الزبدة على النار
ومعاها شوية زيت درة صغيرين
والشعرية
انا بحب اعمل الشعرية كتيره شويه
نسيبها تتحمر خالص خالص
بعد كده نضيف التوابل وهي بتتحمر
هنحط
معلقة صغيرة كسبرة ناشفة
معلقة صغيره بهارات
رشة صغيرة قرفة
ونسيبها شويه
طبعا وهي لسة بتتحمر نغسل الرز
ماتغسليهوش وتنقعيه قبلها بفترة
علشان يطلع معاكي ملدن
نحط الرز والملح ونعد نقلب كويس جدا
لحد ما الرز يبتدي يتحمر مع الشعرية
بعد كده هنحط الميه لحد ماتغطي الرز
بس اوعي تحطي ميا ساقعة
لأ
الميه لازم تكون بتغلي
نسيب الرز على نار عالية لحد ما الميه تنشف خالص وتعمل خروم
بعد كده نهدي الناااار خالص خالص
ووطي النار عادي وحطي الشياطة
زي ما بتعملي الرز براحتك
أهم حاجة ان النار تبقا هادية جدا جدا جدا
ونسيبه يكمل سواه

بالهنا والشفا
Reactions: