المقادير
حبة بصل مفروم
ملح وفلفل أسود حسب الرغبة
شعرة جوز الطيب
شعرة بهارات اللحم
كيلو لحم مفروم
4 حبة ثوم مفروم
2 ملعقة كبيرة سمن
كوب عصير طماطم
كوب مرقة لحم
طريقة التحضير
في وعاء عميق توضع اللحم والفلفل الأسود والملح والبصل أخلط جيداً
يأخذ القليل من خليط اللحم ويكون منه كرات صغيرة قطرها حوالي 1 سم
في مقلاة ساخنة توضع السمن وتحمر كل كرات اللحم
في قدر صغير يضاف مقدار من السمن
ثم يضاف إليه الثوم ويقلب حتى يأخذ اللون الذهبي
يضاف عصير الطماطم مع مرقة اللحم ويترك حتى يغلي
تخفض درجة الحرارة
ثم تضاف كرات اللحم المحمرة إلى صلصة الطماطم
وتترك تغلي على نار متوسطة حتى أن يخرج السمن على سطح صلصة الطماطم
يقدم مع الأرز
أو طــريــقه أخـــــرى
المقادير
لحمة مفرومة - حسب عدد افراد اسرتك
بصل مفروم - حسب كمية اللحم
بطاطس مسلوقة ومهروسة جيدا
بقدونس
من 2:3 ملعقه كبيره معجون طماطم مذوب في شوية ماء مع ملح وفلفل
قطعة زبدة
ملح فلفل بهارات
الطريقه
بالنسبة للبهارات انا عندي بهارات بتعطي الاكل طعم خرافي بضيفها مع كل الاكل تقريبا
ورق لورا وحبهان وفلفل
بطحن كله وبحفظه في علبة
اول شئ نخلط اللحم مع البصل المفروم والملح والفلفل والبهارات والبقدونس
وممكن تضيفي شوية بقدونس او بيضة بس انا مبضفش غير البهارات والبقدونس
ونبهر البطاطس المسلوقة المهروسة كويس ونضيف لها قطعة زبدة
وبعدين نمسك قطعة من اللحم المفروم نشكلها علي هيئة طبق بس حجم كبير مش صغير عشان بتكش في الفرن
وعشان الخطوة تكون سهلة عليكي شكليها في الصينية علي طول مش علي ايدك
يعني كانها كورة بس مبططة من القاع ومفتوحة من فوق عشان نضيف البطاطس كانها طبق زي طبق الشوربة بالظبط
ولو حسيتي انها مش ثابتة مش مشكلة خالص هتمسك في الفرن كويس ان شاء الله
وبعدين ناخد قطعة بطاطس ونكورها ونضيفها علي قطعة اللحمة
كمان اضفت الصلصة وحطيت معاها شوية بصل وبهارات
وممكن تعمليها من غير صلصة اللحمة هتنزل دسمها وعلي وش البطاطس
نضيف شوية زبدة وممكن اي نوع جبن شيدر او موتزاريلا او رومي
ندخلها الفرن علي 180 او 190 حتي تستوي
بعد النضج استوت وبقت زي الفل والصلصة اتسبكت وخدت من دسم اللحمة
وتقدم مع الارز الابيض
0 تعليقات