كرات البطاطس والدجاج

Posted by Amira Fayed on August 23, 2013 with No comments


المقادير

نص كوب صدور فراخ مسلوقة مقطّعة قطع رفيعة
بصلة متوسطة مفرومة
ملعقة بقدونس مفروم
ملعقة صغيرة كمون
ملعقة صغيرة كزبرة
نص كيلو بطاطس
فص ثوم مفروم
زيت للقلي
ملح وفلفل
و2 بيضة

للحشو

نص كيلو لحمة مفرومة
و2 ملعقة كبيرة بقدونس
و2 ملعقة كبيرة دقيق
فلفل أخضر مفروم
بصلة مفرومة
ملح وفلفل

لتحضير الحشو

اخلطى اللحمة مع البصل والبقدونس والفلفل
وتبّليها بالملح والفلفل والبهارات
وشكّليها على هيئة كرات صغيرة
ودحرجيها في الدقيق وحمّريها في زيت ساخن

الطريقة

اغسلي البطاطس وحطّيها في مَيّه باردة مملحة
واسلقيها على النار لحد ما تستوي وتبقى طرية
قشّري البطاطس واهرسيها
وحطّي عليها البيض والبصل والثوم والبقدونس والفراخ المسلوقة
تبّلي الخليط ده بالملح والفلفل والكمون والكزبرة وقلّبيه كويس
ابدئي شكّلي الخليط ده على شكل كرات مجوّفة من النصف وبعد كده ضيفي الحشو
سواء كان اللحمة المفرومة اللي حضّرتيها أو ممكن تحشيها بالبيض أو بالجبنة واقفليها كويس
و تغلف بالبيض و البقسماط
حمّري الكرات في الزيت على نار متوسطة
وبعد كده ارفعيها من الزيت على مناديل ورقية
وبالهنا والشفا
Reactions: