كيكة الجزر بـتوبنج البرتقال والعسل

Posted by Amira Fayed on October 30, 2014 with No comments


المكونات

الكيكة

عدد 2 كوب دقيق
و2 كوب سكر
ثلاث أرباع كوب زيت
و4 بيضات
باكو بيكنج بودر
معلقة صغيرة قرفة
رشة ملح
و3 كوب جزر مبشور
نص كوب جوز البقان أو عين الجمل محمصة م مكسرة قطع صغيرة
بشر برتقالة

التوبنج

مقدار 450 جم جبنة كريمى زى الماسكاربونى أو كيرى أو أى نوع تفضليه أنا بفضل الماسكاربونى
نص كوب زبدة طرية
كوب سكر بودرة
معلقتين فانيليا
بشر برتقالة
ثلاث أرباع كوب عسل

الطريقة

الكيكة

سخنى الفرن على العالى
فى بولة كبيرة حطى الزيت والسكر و أضربيهم كويس بمضرب الكهرباء
ضيفي البيض واحدة واحدة و الفانيليا
حطى الجزر فى فوطة مطبخ ولفيه وأعصرية احد ما المية اللى فيه كلها ما تخرج و حطيه على الخليط و قلبى كويس
أنخلى المكونات الجافة معاً و ضيفيهم على الخليط و قلبى جيداً ثم ضعى بشر البرتقال و الجوز على الخليط و قلبى جيداً و أقسمى الخليط فى صينيتين مجهزتين بالزبدة و الدقيق للخبز حتى لا تلتصق الكيكة فى الصوانى ثم أخبزيهم فى الفرن لمدة نص ساعة أو لحد لما تدخلى فيها طرف السكين و يخرج نضيف و خرجيها و سيبيها تبرد تماماً

التوبنج

ضعى كل مكونات التوبنج معاً فى بولة كبيرة و أضربى بالمضرب الكهربائى حتى يصل للقوام الكريمى
ضعى الكيكة الأولى على طبق التقديم ثم أفردى جزء من التوبنج عليها و ضعى الكيكة التانية فوقها و غطيها بناقى التوبنج أو زينيها بالطريقة المفضلة لديك وبالهنا والشفا

Reactions:
Categories: