المقادير
لحمه اسمها بيت الكلاوى 5 قطع
بصله متوسطه مفرومه ولا مقطعه مش عارفه - مضروبه فى الكبه يعنى
ملعقه صغيره ملح
ملعقه صغيره فلفل او اقل من المعلقه كمان - يعنى تخلى البصله غامقه كده
نصف ليمونه
شويه خل صغيرين - ممكن نقول ملعقه صغيره
قشره بصله
سمنه ملعقه صغيره
فحمه صغيره
الطريقه
اول حاجه طبعا هنخلط كله و نقلب اللحمه فيهم
و نسيبها فى التلاجه من باليل لوقت الغدا تانى يوم
لما نيجى نبدا هنشيل البصل من اللحمه و نحطها فى صينيه تيفال
ونحط عليها كوب ماء على نار هاديه و نغطى الصينيه
بعدين كل ما الماء ينشف نحط كوب كمان و نعمل الموضوع ده لمده ساعه
فى الوقت ده هنجهز حاجتين
قشره البصله ندهنها سمنه
و نولع الفحمايه على النار
و بعد مرور الساعه هيكون الماء نشف خالص
نفضل نقلب فى اللحمه 10 دقائق كده علشان تحمر و تتشوى شويه
و بعد ما تحمر و تبقى تمام نحط قشره البصل فى وسط الصينيه و نحط عليها الفحمه
ونطفى النار و نغطيها 5 دقائق هتديها ريحه تجنن كانك شاويه اللحمه بالظبط
0 تعليقات