صينية باذنجان باللحم والبشاميل

Posted by Amira Fayed on November 01, 2014 with No comments


المقادير

باذنجان خاص بالقلي ومقطع لشرائح عريضه تقريبا كيلوين او ثلاث والافضل يكون حجمه كبير
صلصة باشاميل الباشميل لصينيه حجمها 15 في 30 وعلى فكره صينيتي عميقه نسبيا 
نصف اصبع زبده
نصف مكعب مرقة دجاج
ثلث كوب دقيق
كوبين حليب 500 مل أو 6 ملاعق حليب بودره + 2 كأس ماء فاتر 
علبة قشطه وممكن استبدالها بالويبنق كريم - كريمة خفق
اربع ملاعق طعام جبن سائل
( ممكن تضيفين ملعقتين مايونيز )
فلفل ابيض حسب الذوق 
بالنسبه للملح تقريبا ماستخدم لان مرقة الدجاج والجبن مالحين  بس إذا تحبين ممكن تضيفين شوي بس 
حشوه على مزاجك انا استخدمت حشوة اللحم لاني احسها الافضل مع الباذنجان
بصلتين متوسطتين مقطع قطع صغيره
جزره مبشوره ونص حبة فلفل رومي مقطعه
طماطم حسب الكميه 
بهارات حسب الذوق
اعشاب ( اورجانو ، ببريكا) ايضا ممكن تستخدمين جبن بارميزان او اي جبنه

الطريقه

نملح الباذنجان ونخليه يعصر الماء اللي فيه وننشفه بالمنشفه  ليه؟
( عشان مايتأكسد وايضا عشان مايشرب زيت ويطرطع اثناء القلي)  
 نقلي الباذنجان ونصفيه ونحطه بورق نشاف
ممكن تشوينه بالغريل لو تحبين تقللين السعرات

اثناء القلي حضري الحشوه

طريقة الحشوه

احمسي البصل لين يصير ذهبي بعدين وإذا حبيتي ممكن تضيفين فص ثوم
حطي اللحم والبهارات اللي تفضلينها انا ماحب البهارات الكثيره استخدمت هيل وقرفه مطحونين وفلفل أسود
وقلبيهم لين يستوون تقريبا
اضيفي الفلفل الرومي والجزر وخليه يذبل شوي
اخلطي الطماطم بالخلاط
واضيفيها للحشوه وخليها لين تتسبك
وإذا احتاج صلصه اضيفي صلصه 
طبعا لاتنسين الملح

حضري الباشميل

طريقة الباشميل

ذوبي الزبده مع مرقة الدجاج  وراعي قللي المرقه لان الجبنه مالحه
ضيفي الدقيق واخلطي  لين تتحمس شوي
اضيفي الحليب الفاتر وراعي انه مايتكتل واستمري بالخفق ولاتنسين تضيفين الفلفل الابيض
اطفي النار  واضيفي الجبن والقشطه والمايونيز

رصي الباذنجان بالصينيه

اضيفي الحشوه
سوي سطحها وارجعي رصي طبقه من الباذنجان حتى انتهاء كمية الباذنجان

نضيف الباشميل
رشي البابريكا والارجانو والجبن وبودرة الثوم   
ادخليها فرن متوسط الحراره 180 درجه تقريبا من ثلث الي نصف ساعه وحمري الوجه

تقدم مع الرغيف العربي              

Reactions: