صوص السينابون

Posted by Amira Fayed on August 02, 2015 with No comments



في كذا صوص ممكن نعملهم وهم كالتالي

أولاً : صوص الكراميل وده أساسي مع السينابون
وممكن يتعمل كمية كبيرة ويترك في الثلاجه في برطمان لإن عمره طويل

مقادير صوص الكاراميل

المقادير

2 كوب سكر
1/2 كوب ماء
4 معالق كبيرة زبده
1/3 كوب كريمة

الطريقه

نضيف السكر والمياه على النار ونتركهم لحد ما يتحرق السكر ويبقى لونه ذهبي
نضيف الزبده تدريجياً وبعدها نوطي النار
ونضيف الكريمة وتكون الكريمة في حرارة الغرفة
نتركهم دقيقة على النار بعدين نرفع من على النار ونترك الصوص يبرد تماماً

**-**-**-**-**-**-**-**-**-**-**-**

ثانياً : صوص الشيكولاته أو جناش الشيكولاته
وبرده صوص سهل قوي وممكن إعداده بكمية وتركه في الثلاجة

مقادير جناش الشوكولاته

200 جرام شيكولاته
1/2 كوب كريمة
 ملعقه كبيرة corn Syrup وممكن الإستغناء عنه 

الطريقه

 الشوكولاته لازم تكون مبشورة أو قطع صغيرة Chips  
نسخن الكريمة كويس ونصبها على الشوكولاته
نسيب الخليط دقيقة بالظبط بعدين نقلب كويس حنلاقي الشوكولاته دابت تماماً
وإمتزجت مع الكريمة وعملت صوص شوكولاته كثيف للمحافظة على لمعان الصوص بنضيف معلقة كبيرة سيرب ذرة 
Corn Syrup
وده مش بيأثر على الطعم ولكن على الشكل بس
أنا عن نفسي مش بضيفه أغلب الأحيان
ممكن نتبع نفس الخطوات والمقادير بالظبط 
ولكن مع إستبدال الشوكولاته بشوكولاته بيضاء
وحيبقى عندنا صوص شوكولاته بيضاء حلو قوي

**-**-**-**-**-**-**-**-**-**-**-**

ثالثاً : صوص الجبنة وناس كتير بتحبه جداً
وهو برده سهل جداً في الإعداد بس منصحش نعمله كمية كبيرة يبقى على الطلب أحسن

مقادير صوص الجبنة

250 جرام جبنة كريمي
1/3 كوب كريمة
1/2 ملعقة صغيرة فانيليا

على النار نسخن الكريمة لدرجة حرارة متوسطة
نوطي النار خالص ونضيف الجبنة
ولازم تكون في درحة حرارة الغرفة
نقلب كويس لحد ما تذوب الجبنة
وتتخلط مع الكريمة نرفع من على النار
ونضيف الفانيليا ونترك الصوص يبرد قبل التقديم
Reactions: