سينابون

Posted by Amira Fayed on February 18, 2016 with No comments


المقادير

4 اكواب دقيق
رشة ملح 
1 معلقة كبيرة خميرة فورية 
نصف معلقة كبيرة بيكنج بودر 
3 ملاعق سكر 
نصف كوب زيت 
ظرف كريم شانتي ( بودر ) من غير ما نضربه و لا حاجة بنضيف البودر للعجينة و ده اضافي هو بيدي العجينة طراوة و نعومة 
ماء دافئ او حليب دافئ ( حسب ما العجينة بتاخد معاكي ممكن كوب و ربع او اقل او ازيد بسيط ) 

الحشو

سكر
قرفة
كاكاو
زبدة مذابة 

الطريقة 

تنخل المواد الجافة اولا ( الدقيق والملح والبيكنج بودر و بودر الكريم شانتي لو استخدمناها ) 
نضيف الخميرة و السكر الي خليط الدقيق 
نضيف الزيت و تقلب العجينة جيدا 
يضاف الماء الدافئ او الحليب الدافئ بالتدريج مع العجن حتى تتكون عجينة لينة 
تغطى و تترك العجينة تخمر حوالي نصف ساعة تقريبا 
نقسم العجينة الي نصفين و كل نصف نفرده على شكل مستطيل
و انتي بتفردي العجينة حتلاقيها بترد معاكي دا معناها العجينة ناجحة
استني ثواني و ارجعي افردي تاني 
ادهني المستطيل بالزبدة المذابة ورشي خلط السكر و القرفة و الكاكاو ما عدا على الاطراف 
لفي كل مستطيل على شكل اسطوانة و بعدين قطعيه بالسكينة 
في صينية الخبز حطي الاجزاء اللي قطعتيها و هي واقفة
واضغطي عليها بايدك تاخد شكل دائري شوية 
غطي الصينية و سيبيها تخمر مرة كمان حوالي نصف ساعة
وبعدين اخبزيها في الرف الوسط في فرن حار تقريبا 220 درجة 
لما تخرج رشيها بصوص الشوكولاته السائل ( هيرشي )
وممكن سكر بودرة اضربيه مع قليل من الماء و يرش على الوجه


Reactions:
Categories: