وصفات - فى اول الصفحه

ايه هي موضة بنطلون ال BOYFRIEND JEANS ؟ وازاي نلبسها ؟

 البنطلون الجينز من الحاجات الاساسية في دولابنا

ومفيش بنت دولابها بيخلى من البنطلون الجينز
وتقريبا منقدرش نستغنى عنه في خروجاتنا اليومية
سواء في الجامعة او في الشغل او في خروجاتنا مع اصحابنا
وده لانه عملي جدا ومريح وبنقدر نتحرك فيه بسهولة
وبنحب دايما نشتري منه الوان وموديلات مختلفة لانه بيليق على كل حاجة
يعني يتلبس عليه بلوزة او قميص او بلوفر ايا كان اللي بيتلبس عليه بيطلع حلو
وكل سنة بينزل للبنطلونات الجينز استايلات وموضات مختلفة منها الواسع ومنها الضيق ومنها موضة
لكن احنا النهاردة هنتكلم عن موضة بنطلون الـ Boyfriend jeans ripped

او البنطلون الجينز الرجالي ايه هو
وازاي تلبسيه وتطلعي بلوك انيق وانثوي ؟
موضة بنطلون الـ Boyfriend jeans
بيكون عادة موديلة واسع مش سكيني يعني مناسب جدا للمحجبات وتقدري تلبسيه باكتر من طريقة ممكن تلبسي عليه قميص وشوز رياضي لو انتي خارجة الصبح ورايحة الجامعة مثلا وعايزة حاجة مريحة
ممكن لو خارجة بعد الضهر يتلبس على شوز بكعب وبلوزة وتخليه استايل انيق وانثوي
ممكن يتلبس على بليزر او على جاكت جلد
او يتلبس عليه بلوزة طويلة او قصيرة
او يتلبس عليه بلوفر يعني يمشي مع كل حاجة تقريبا وقدامك اختيارات كتير عشان تنوعي في الاستايل بتاعك

تعالوا نشوف مع بعض مجموعة من الاستايلات المختلفة من بنطلون ال Boyfriend jeans وممكن نلبسه ازاي















هنقولكم بقى شوية نصايح سريعة عشان يطلع اللوك بتاعنا حلو وانيق

ممكن نعمل تنيه صغيرة في رجل البنطلون من تحت عشان نديه شكله بناتي حلو

لو عايزة تلبسي البنطلون بلوك كلاسيكي ممكن تلبسيه على بليزر طويل او قصير مع تيشيرت او قميص

ممكن يمشي على شوز رياضي او باليرينا او صندل او شوز بكعب عالي او بوت

دايما نخلي في توازن في الطلة بتاعتنا يعني منلبسش عليه حاجات واسعة زيادة عن اللزوم لان البنطلون اصلا واسع ولو اتلبس عليه حاجة واسعة اوي هيطلع الشكل مش حلو عشان كده لازم ناخد بالنا من النقطة دي ونلبس حاجات وسعها مناسب عليه

لو هنلبس عليه بلوزة او قميص او تيشيرت ممكن ندخله في البنطلون من قدام بس ونسيب الباقي بره البنطلون بيدي لوك حلو اوي وفي نفس الوقت بيحدد منطقة الوسط وبيكون مداري الجزء اللي ورا

اخر حاجة عشان نكمل طلتنا مننساش الاكسسوارات المناسبة للاستايل بتاعنا

إرسال تعليق

0 تعليقات