English cake

Posted by Amira Fayed on May 19, 2016 with No comments

المكونات

250 جرام زبدة كوب وربع
300 جرام سكر كوب ونص
350 جرام دقيق كوبين ونص
5 بيضات
فانيليا
معلقة ونص صغيرة بيكنج باودر
زبيب
 

الطريقه

بننزل الاول بالزبدة فى المضرب ونضرب فيها لحد ما تبقى زى الكريمة
 

وبعد كدا ننزل عليهم السكر ونضربهم لحد ما يمتزجو مع بعض
 

بعد كدة بنزل عليهم البيض .. بيضة بيضة ونضرب


وبعد كدة ننزل الفانيليا ونضرب لحد ما يمتزج جدا ويبقى كريمي


بنخلط معلقة ونص بيكنج باودر مع الدقيق وبعد كدا بنزل الدقيق شوية
ونضرب وشوية ونضرب لحد ما تبقى عجينة


دا الزبيب لزوم الحشو وده بنعفره بدقيق عشان ميسقطش مننا
وممكن طبعا فواكه مجففة او تين ومشمش مجفف .. اللي تحبوه
شفت طرق فيها توت ازرق فريش


بنجيب القالب ده وندهنه بالزيت
لو مش تيفال بعد كدا بنعفره بدقيق عشان الكيك ميلزقش
 

وننزل بكمية من الخليط
 

نوزع الحشو بتاعنا
 

ننزل بالكمية الباقية


ونساويه بالشكل دا
 

ندخلها على فرن حامي درجة حرارته 180
وده تقريبا الدرجة الوسط في افراننا لمدة من 45 دقيقة لساعة
ممكن ننزل عود خلة نختبر بيه الكيكة لو طلع ناشف تبقى استوت


ويبقى شكلها كده لما تطلع من الفرن


وتقدم بالهنا والشفا
 

Reactions:
Categories: