حابة تعملى صنف من ضمن مكوناته زبدة الفول السودانى
وما لقيتى عندك أو صعب تلاقيها بالمحلات بالبلد اللى انتى فيها
مافيش مشكلة
اعمليها انتى بالبيت
المقادير
كوب فول سوداني غير محمص أو ممكن محمص جاهز بس غير مملح
ملعقة زيت
رشة ملح
ولو تحبيه حلو ضيفي ملعقتين شيرة او عسل حسب ماتحبي
الطريقة
إذ كان الفول غير محمص بتحمصيه انتى بالفرن على درجة 170 مئوية حتى يحمر
و هو سخن نضعه في المطحنة ونخلط
بالاول بيتحول لمجروش وشوية شوية ينعم
مع الاستمرار بالطحن هتلاحظو الزيت بيخرج من الفول
وكلما استمريتي بينعم وبيطلع كل الزيوت اللي فيه
تضيفي الزيت والملح أو العسل
ولو تحبيه خشن طلعيه ولو تحبيه ناعم خليه دقيقة زيادة
وبالنهاية احلى زبدة فول سوداني تحصلي عليها
0 تعليقات